Samsdeg, den 21 Januar 2023, hat eisen Member KOCH Steve nees bei sech heem invitéiert fir säin Atelier iwwert Sandstrahlen an Polverbeschichten. 7 Leit haten sech afonnt. Em 15 Auer goung et lass mat e bëssen Theorie an enger Presentatioun vum Material. Den Steve huet och e Ziedel mat Basis-Informatiounen ausgedeelt.
![](https://www.amal.lu/wp-content/uploads/2023/02/Polver-4-1024x461.jpg)
Duerno goung et direkt un d‘ Praxis; de Pol an de Gab haten e puer Stecker vun Motorieder matbruecht fir ze strahlen an ze beschichten. Fir d ‘éischt konnt een dem Steve iwwert d ‘Schëller kucken an duerno selwer schaffen.
![](https://www.amal.lu/wp-content/uploads/2023/02/Polver-2-1024x681.jpg)
Wei alles gestraalt war ass et un d ‘Beschichten gaangen. Hei huet den Steve d’Arbecht iwwerholl, well do schonn e bëssen Erfahrung gefrot ass.
![](https://www.amal.lu/wp-content/uploads/2023/02/Polver-6-1024x1021.jpg)
Fir d ‘éischt gouf Grondeiert, duerno schwaarz Gepolvert . Während den Polver „gebak“ ginn ass gouf bei engem gudden Patt gebraddelt and sech ausgetosch.
![](https://www.amal.lu/wp-content/uploads/2023/02/Polver-1-1024x681.jpg)
Mer soen dem Steve Merci fir deen flotten Nomëtten, wou een net nëmmen vill Informatiounen krut mee sech och selwer abréngen konnt.
![](https://www.amal.lu/wp-content/uploads/2023/02/Polver-3-861x1024.jpg)
Villäicht gëtt et jo nach aner Memberen, déi mat esou engem Atelier hier Erfahrungen austauschen wëllen. Kontaktéiert eis, och wann der doheem selwer keng Plaz huet, mer fannen schonn eppes...